MANILA, Philippines — Sumali na ang mga pinakamalaking pambansang organisasyon ng teknolohiyang pinansyal o fintech sa usaping pampubliko ukol sa paglaganap ng online na pagsusugal. At bakit hindi? Ito ang industriya na pinahihintulutan ang mga manlalarong pumusta saanman at kailanman sa pamamagitan ng mga lisensyadong gaming app kagaya ng Ivibet Sportsbook Online sa pamamagitan ng mga e-wallet at iba pang pamamaraan.
Upang sagutin ang mga agam-agam ang mga kritiko ng industriya kagaya ng simbahang Katoliko at iilang mga representate sa Kongreso, ang Fintech Alliance Philippines at ang mga miyembro nito ay handang magpatupad ng mga matitinding hakbang upang tiyakin ang pagtalima sa mga bagong regulasyon at patakaran mula sa Bangko Sentral ng Pilipinas ukol sa paggamit ng mga digital payment platform para sa online gaming.
Dagdag pa ng grupo, ang mga hakbang at aksyong balak ipatupad nito ay lubos na sinusuportahan ang mga bagong regulasyon na balak ipatupad ng Bangko Sentral ng Pilipinas (BSP) upang sawatain ang mga masamang epekto ng online na sugal.
Ayon sa Fintech Alliance, natukoy na nito ang mga panganib na dapat tugunan ay ang adiksyon sa pagsusugal at ang kawalang pinansyal, napakadaling akseso ng mga plataporma para sa mga menor de edad at sa mga indibidwal na hindi beripikado, at ang paglaganap ng mga iligal na gaming site at plataporma.
90% ng mga transaksyon
Ani Lito Villanueva, ang tagapagtatag ng naturang organisasyon, “Kinikilala ng Alyansa ang pag-aalala ng mga pampubliko at iba pang mga sektor ukol sa epekto ng gaming.”
Dagdag pa niya, “Nagkakaisa kami sa aming pangakong maging bahagi ng solusyon sa pamamagitan ng pakikipagsanib-pwersa sa mga regulator, at sa pag-angat ng mga pananggalang at hakbang pamproteksyon para sa ikabubuti ng mga tagapagtangkilik na mga Pilipino.
Kinabibilangan ang alyansa ng mga malalaking kompanya kagaya ng GCash at Maya. Sa pangkalahatan, kinabibilangan ng mga ito ang mahigit 90% ng mga transaksyong digital sa buong bansa. Meron ding mga nakabinbin na mga panukalang batas sa ika-20 na Kongreso upang magpatupad ng pangkalahatang pagbabawal sa e-gambling o sa paghadlang ng aksesong pampubliko sa pamamagitan ng pagbabawal ng paggamit ng e-wallet para sa pagpusta.
Casino sa bulsa ng sinuman
Isang panukalang-batas mula kay Senador Sherwin Gatchalian ay nais itaas ang minimum na edad para sa online gambling mula 18 taong gulang hanggang 21, at iangat ang minimum na cash-in sa PHP10,000 at ang top-up sa P5,000.
Dagdag pa ng Obispo ng Kalookan na si Pablo Virgilio David, ang paglaganap ng e-gambling ay pinahintulutan ang paglaganap ng casino sa sala, sa silid-tulugan, at sa bulsa ng kabataan. Isa ito sa mga pagpuna ng Simbahang Katoliko laban sa kakulangan ng mga hadlang upang pagbawalan ang mga menor de edad sa pagsusugal, at ang paggamit ng mga kilalang personalidad upang i-promote ang mga online casino.
Ayon sa Bangko Sentral ng Pilipinas, magpapalabas ito ng sirkular upang atasan ang mga reguladong institusyong pinansyal upang lalong protektahan ang mga gumagamit ng mga platapormang digital mula sa mga panganib na kalakip sa online na pagsusugal.
Batay sa pahayag ng Fintech Alliance, magpapatupad ang mga miyembro nito ng pinaigting na due diligence para sa lahat ng mga merchant account sa mga plataporma nitong merong mga lisensya para sa online gaming at magpatupad ng real-time na deteksyon, pagsubaybay at pag-blacklist ng mga iligal at di-reguladong mga plataporma.
Ang mga hakbang na ito ay pinangungunahan ang mga panukalang batas mula sa kongreso na inaatasan silang ipatupad ang mga ito. Nangako din ang organisasyon na tatalima ang mga kasapi nito sa mga restriksyon at mga hakbang pamparusa sa mga payment channel na hindi susunod sa mga bagong regulasyon.
